اِسْمِي حُرِيَّة

للاطلاع على الجزء الأول اضغط  هنا حنكة القدامى تقطر من صوتها وهي تدخل المطبخ آخر الممر، تنبه على المجتمعات بجوار شواحن هواتفهم " محدش يسيب موبايله من الوارد الجديد، هيتسرق على طول و تبدأوا سنة كحلي". أمسكت بذيل الحصان الطويل من ورائها وجذبته وهي تعنفها " يخرب عقلك شعرك ده تلميه هتاخدي حتة عين"، استدارت سريعاً و بدل أن تلعن ،جرأتها وتطفلها، قالت" هيحصل ايه ما البنات كلهم لطاف"، تفرست في وجهها والفستان الوردي وسألتها أليست هي من كانت توزع كتبها عند السلم ظهراً، وصلت بهم العشاء في "124"؟ ثم استفسرت عن سر انتقالها للمبنى فهي تراها للمرة الأولى. أجابت -بفخر لا تعرف مصدره- "لا انا لسة سنة اولى". شهقت وهي تزيح الملقاط من خلف أذنها " أولى ايه! انتوا مش جايين اول امبارح لحقتي تعرفي كل العيال دي امتى؟"، " لا ما عشان 6 أكتوبر أجازة فقعدنا مع بعض وكده" ضربت كفاً بكف وهي تنظر لباقي الفتيات، يحاولن القرار هل سيأكلن من عشاء المدينة أم لا، " مفروض تكوني بتعيطي يا بنتي لسه ومبتخرجيش من أوضتك، انا أول مرة أشوف أولى فرحا